Kalaallit Nunaanni ilinniaqqittut amerlipput
Ukiut qulit kingulliit ingerlanerini Kalaallit Nunaanni avataanilu ilinniaqqittut amerlatsikkiartorput, titartagaq 1 takujuk. Piffissammi pineqartumi Kalaallit Nunaanni aallussillutik ilinniaqqittut marloriaatinik amerlassuseqalerput. 2014-ip naanerani ilinniaqqittut 1.294-iuput, taakkunanit 802-t nunatsinni ilinniarfinni ilinniartuullutik.
Kalaallit Nunaata avataani ilinniaqqittut amerlanerit Nunani Avannarlerni ilinniaqqittuupput, ilaalli Amerika Avannarlermi Asiamiluunniit ilinniaqqillutik.
Titartagaq 1. Kalaallit Nunaanni avataanilu 2004-p naalerneraniit 2014-ip naalerneranut ilinniaqqittut
Najoqqutaq: Naatsorsueqqissaartarfik – Kisitsisaataasivik takujuk ( http://bank.stat.gl/UNKISC11B ).
Kalaallit Nunaanni aallussillutik ilinniartut amerliartorput. 2014-ip naanerani Kalaallit Nunaanni ilinniartut 62 pct.-iupput, 2004-p naanerani aallussillutik ilinniartut 56 pct.-iusimasut.
Titartakkami 2-mi takutinneqarpoq Kalaallit Nunaanni avaataanilu 2014-ip naanerani aallussillutik ilinniaqqittut amerlassusaat. Professionsbacheloritut ilinniarnerit ilanngunnagit Kalaallit Nunaanni avataanilu ilinniartut amerlassusaat amerlaqatigiippajaarput.
Titartagaq 2. 2014-imi Kalaallit Nunaanni avataanilu ilinniaqqinnernik ingerlatsisut amerlassusaat qaffasissutsinut immikkoortillugit
Nassuiaat: Kandidatimut professionsdandidati ilagaavoq.
Najoqqutaq: Naatsorsueqqissaartarfik – Kisitsisaataasivik takujuk ( http://bank.stat.gl/UDKISC11B ).
Kalaallit Nunaani avataanilu ilinniaqqinneq akunnattumik sivisussusilik inger-lanneqarnerpaavoq. 2014-ip naanerani Kalaallit Nunaani ilinniagaqartut 81 pct.-ii professionsbachelorimik bacheloritulluunniit aallussillutik ilinniartuupput. 2014-ip naanerani Kalaallit Nunaata avataani ilinniartut 70 pct.-ii professionsbachelorimik bacheloritulluunniit aallussillutik ilinniartuupput.
Nalinginnaasumik inuussutissarsiutinik ilinniaqqinnerit naatsut ukiunik marlunnik sivisussuseqartarput. Inuussutissarsiutinik ilinniaqqinnerit tassasinnaapput akademiøkonomisut, tandteknikerisut aamma nutserisutut ilaatigullu eqaarsaarnermut illulerinermullu ilinniartitsisutut ilinniaqqinnerit.
Bachelor tassaavoq ilinniakkamik qaffasissumik taaguut (akademisk grad), nalinginnaasumik ukiuni pingasuni universitetimi ingerlanneqartussaq. Professionsbacheloritut ilinniarneq bachelorimit immikkoorutigaa teori praksisilu ataqatigiissitaammata ilinniarnermullu atatillugu suliffimmiinnermik aqqusaagassartaqarluni. Ilinniarneq ilinniagaanngilaq qaffasissoq nalinginnaasumillu ukiuni pingasut affarlu sisamallu angullugit ingerlanneqartarpoq. Professionsbacheloritut ilinniarneq meeqqat atuarfianni ilinniartitsisussatut, diplomingeniørissatut, pædagogissatut peqqissaasussatulluunniit ilinniarnerusarpoq.
Titartakkap 3-p takutippaa 2014-ip naanerani ilinniakkat ingerlatallu qaffasissusaat apeqqutaatinnagu ilinniartut amerlassusaat.
Titartagaq 3. 2014-ip naanerani Kalaallit Nunaanni avataanilu ilinniaqqittut amerlassusaat ilinniakkat suunerinut immikkoortillugit
Najoqqutaq: Naatsorsueqqissaartarfik – Kisitsisaataasivik takujuk (http://bank.stat.gl/UDKISC11B).
Kalaallit Nunaani ilinniartut 50 pct.-ii 2014-ip naanerani ”peqqissuseq atugarissaarneq” ”ilinniarneq”-lu ilinniarsimavaat. Ilinniakkat taakku peqqissaanermut meeqqanillu ilinniartitsinermut tunngapput. Kalaallit Nunaata avataani ilinniakkat ingeniøritut ilisimatusarneq, nioqqutissiorneq sanaartornerlu ilinniarneqarnerpaapput. Taakku diplomingeniørinngornianit Arktisk Teknologi-nngornianillu ilinniarneqartarput.